У Савеце калектыўнай бяспекі прынялі удзел прэм'ер-міністр Арменіі Нікол Пашынян, прэзідэнты Беларусі, Казахстана, Таджыкістана і Расіі Аляксандр Лукашэнка, Жамарт Такаеў, Эмамалі Рахмон і Уладзімір Пуцін, выконваючы абавязкі прэзідэнта Кыргызстана Талант Мамытаў, генеральны сакратар АДКБ Станіслаў Зась.
У парадак дня мерапрыемства былі ўключаны праекты рашэнняў СКБ АДКБ, якія тычацца матэрыяльна-тэхнічнага і медзабеспячэння Калектыўных сіл, а таксама мер па ўдасканаленні сістэмы падрыхтоўкі кадраў для органаў дзяржаўнай улады дзяржаў - членаў АДКБ. Разглядаўся таксама і бюджэт арганізацыі на 2021 год.
