14:14 16 студзеня 2021
«Радыё Sputnik»
  • USD2.56
  • EUR3.10
  • 100 RUB3.48

Sputnik спытаў у беларусаў, што яны думаюць аб скарачэнні дэкрэтнага адпачынку. А потым успомніў, што жыхары горада гаварылі пра гэта пяць гадоў таму.

Дэкрэтны адпачынак лепш не скарачаць, але калі ўжо вельмі трэба, то перш варта забяспечыць юных беларусаў дастатковай колькасцю месцаў ва ўстановах дашкольнай адукацыі, так лічаць беларускі. Той жа пазіцыі прытрымліваецца і міністр працы і сацыяльнай абароны Ірына Касцевіч. У гэтым годзе яна дапусціла, што ў будучыні трохгадовы дэкрэт для маладых мам скароцяць.

"Вядома, трэба развіваць паслугі па доглядзе за дзецьмі ранняга ўзросту. І калі мы выйдзем на адпаведны ўзровень развіцця гэтых паслуг, толькі тады будзе прымацца гэтая мера", - сказала Касцевіч.

Карэспандэнты Sputnik выйшлі на вуліцы Мінска, каб даведацца, што пра патэнцыйныя меры думаюць беларускі. І сутыкнуліся з даволі-такі адназначным поглядам на праблему: дайце жанчыне прабыць у дэкрэце неабходныя тры гады. А ўжо калі яна захоча выйсці на працу крыху раней, то самастойна прыме гэтае рашэнне.

Некаторыя з апытаных прызнаюць - калі б фінансавае становішча дазваляла адседзець у дэкрэце ўсе тры гады, то жанчыны і не рваліся б вярнуцца на свае працоўныя месцы.

Адна з апытаных працуе ў дзіцячым садзе і прызнае - нават цяпер месцаў ва ўстановах дашкольнай адукацыі не заўсёды хапае. Што будзе, калі мамам давядзецца выходзіць на працу яшчэ раней? Трэба перш заняцца развіццём паслуг у гэтай сферы, і толькі пасля скарачаць дэкрэты.

А хтосьці проста лічыць, што дзіця заслугоўвае магчымасці правесці з мамай як мага больш часу ў сваім самым юным узросце.

Гэта не першы раз, калі ў Беларусі задумваюцца аб скарачэнні дэкрэтнага адпачынку. І не першы раз, калі Sputnik цікавіцца меркаваннем мінчан па гэтай тэме. Мы ўспомнілі, што адказвалі беларускі на наша пытанне аб дэкрэце пяць гадоў таму.

Глядзіце, ці змяніліся меркаванні. А што вы самі думаеце пра скарачэнне дэкрэта?

Тэги:
Дэкрэтны адпачынак, Мінск

Яшчэ відэа

Галоўныя тэмы