Раней Марыя Калтакова з Варонежа асвоіла новую праграму дапоўненай рэальнасці на авіяцыйным трэнажоры Су-34. На гэты раз "стальная бабуля" авалодала кіраваннем танка Т-72Б3.
Вайскоўцы арганізавалі ветэрану праезд па тэрыторыі ваеннага палігона ў Салацях Белгародскай вобласці Расіі.
"Я выпрабоўвала сваю энергію: на што я яшчэ ў свае 99 гадоў здольная. Вось у 99 гадоў я танкам кіравала", - сказала Калтакова.
Ветэран распавяла, што ў час вайны ўжо ездзіла на танку па палях бітваў, дапамагаючы параненым, але самастойна кіраваць машынай ёй яшчэ не даводзілася.
Калтакова дадала, што за апошнія пяць гадоў яна "на чым толькі не плавала, на чым толькі не каталася": у 93 гады ўпершыню скокнула з парашутам і выканала фігуры вышэйшага пілатажу на планёры, была штурманам экіпажа на кубку па джып-трыяле, ўстанавіла рэкорд у дзіцячай спартыўнай школе на спаборніцтвах па стральбе з пнеўматычнай зброі.
99-гадовая Марыя Дзянісаўна называе сябе "стальной бабуляй": яна ўдзельнічала ў Курскай бітве, вызваляла Харкаў, Львоў, Польшчу і Чэхаславакію. За час вайны двойчы была кантужана, але, нягледзячы на гэта, вынесла з поля бою звыш 300 параненых савецкіх салдат.
Глядзіце таксама:
- Як выглядае падземны бункер каля Белавежскай пушчы - відэа
- Як страляе "Тэрмінатар"? Відэа з ваеннага палігона
- Лінейку лёгкабраняваных аўтамабіляў прадставілі ў Беларусі - відэа
