Відэа

Адзіная плантацыя ў Беларусі, дзе культывуюць фундук – відэа

Падпісацца
Аднойчы фундук з гэтага саду можа адправіцца ў італьянскія цукеркі, буйному брэнду ўжо адправілі пробную партыю. Але пакуль у садзе збіраюць толькі тэхнічны – гэта значыць вельмі невялікі – ураджай.
У Маладзечанскім раёне на 75 гектарах зямлі раскінуўся арэхавы сад. Гэта адзіная плантацыя ў Беларусі, дзе культывуюць фундук.
Кажуць, што фундук, які вырас у суровым беларускім клімаце, смачнейшы за яго спешчанага паўднёвага брата. Прычына – у больш высокім змесце амінакіслот, дзякуючы гэтаму беларускі арэх больш тлусты.
Морква - галоўны інгрыдыент класічнага цымесу - Sputnik Беларусь, 1920, 18.10.2020
Цымес: як гатаваць незвычайны дысерт і чаму на Беларусі ў яго дадаюць мяса
Саджанцы ў Беларусь прыехалі з Польшчы, хоць назвы сартоў вельмі паўднёвыя: "Барселонскі", "Каталонскі" і "Косфорд". Гэтыя сарты ўжо прыстасаваліся да польскага клімату – у суседзяў іх вырошчваюць больш за трыццаць гадоў. І беларускія зімы для саджанцаў не сталі крытычнымі – тры папярэднія яны перанеслі добра.
Фундук з беларускага саду нават можа адправіцца ў італьянскія цукеркі! Але на вялікія ўраджаі плануюць выйсці праз год-два. Пакуль што арэх збіраюць "на пробу".
Першыя гады сад плоданосіць яшчэ недастаткова актыўна – адно дрэўца дае толькі 100-200 грамаў фундуку. Гэта, вядома, не "тры арэшкі для Папялушкі", але пакуль недастаткова для захопу рынку. Затое планы ўражваюць: з гектара саду спадзяюцца збіраць 2-2,5 тоны фундуку!
У беларускага арэха наперадзе можа быць яшчэ вельмі доўгае жыццё. Бо фундуковы сад пры правільнай апрацоўцы расце да ста гадоў.
Стужка навiн
0