Расію на "Еўрабачанні-2017" прадставіць Юлія Самойлава

Падпісацца
Расійская прадстаўніца выйдзе на сцэну "Еўрабачання" ў другім паўфінале, які адбудзецца 11 мая.

МІНСК, 13 сак — Sputnik. Расію на міжнародным конкурсе песні "Еўрабачанне-2017" прадставіць, паведамілі ў нядзелю ў эфіры "Першага канала".

"Еўрабачанне-2017" пройдзе 9-13 траўня ў Кіеве. Расія, якая традыцыйна займае высокія месцы на конкурсе, трымала імя прадстаўніка на шоу гэтага года да апошняга — артыста абвясцілі толькі пасля таго, як усе краіны ўжо назвалі сваіх выканаўцаў для "Еўрабачання".

Гурт Naviband - Sputnik Беларусь
Напярэдадні "Еўрабачання-2017" Naviband падрыхтавалі акустычны канцэрт

Як стала вядома ў нядзелю ўвечары, на "Еўрабачанні-2017" Расію прадставіць спявачка Юлія Самойлава. Дзяўчына ўдзельнічала ў шматлікіх конкурсах, нават нягледзячы на тое, што перасоўваецца выключна ў інваліднай калясцы — у спявачкі досыць рэдкі дыягназ "спінальная амиятрафия Вердынга — Гофмана".

На сцэну "Еўрабачання" Самойлава падымецца з пяшчотнай песняй "Flame Is Burning".

"Еўрабачанне" — адзін з самых папулярных конкурсаў у свеце, яго тэлеаўдыторыя дасягае 200 мільёнаў чалавек. У 2016 годзе Расію на папулярным конкурсе прадстаўляў Сяргей Лазараў з песняй "You're the only one". Выканаўца заняў першае месца паводле ацэнак еўрапейскіх тэлегледачоў, аднак пасля сумавання балаў з выстаўленымі журы, у выніку апынуўся толькі на трэцім.

РФ перамагала на "Еўрабачанні" ў 2008 годзе дзякуючы Дзіму Білану і песні "Believe". У 2000, 2006, 2012 і 2015 гадах прадстаўнікі Расіі займалі другія месцы на конкурсе, тройчы — трэці радок.

Стужка навiн
0