Чэмпіянат свету- 2022 па футболе можа адбыцца напярэдадні каляд

© Flickr / Aslan MediaКатар Чэмпіянат свету па футболу 2022
Катар Чэмпіянат свету па футболу 2022 - Sputnik Беларусь
Падпісацца
Плануецца, што фінал Мундыяля будзе сыграны 23 снежня.

МІНСК, 17 сак- Sputnik.

Рабочая група ФІФА прапанавала правесці чэмпіянат свету —2022 у лістападзе — снежні, паведамляецца на сайце арганізацыі.

За правядзенне Мундыяля зімой аднагалосна выказалася рабочая група Міжнароднай федэрацыі футбола, якая праводзіла пасяджэнне па гэтаму пытанню ў Дохе. Раней правядзенне сусветнага першынства было запланавана на лета. Як адзначаюць эксперты, рашэнне аб змяшчэнні тэрмінаў Чэмпіянату свету можа стварыць мноства праблем у футболе. Мяркуецца, што чэмпіянат пройдзе з 26 лістапада па 23 снежня.

"Перанос можа выклікаць пэўныя праблемы, але чэмпіянат пройдзе толькі праз восемь гадоў, і яшчэ дастаткова часу, каб усё добра арганізаваць," — заявіў віцэ-прэзідэнт ФІФА Джым Бойс.

Бойс адзначыў, што фінал можна правесці на тыдзень раней, але спачатку трэба дачакацца рашэння выканкама ФІФА і выслухаць усе прапановы. Прапанаваныя даты падтрымліваюць усе шэсць футбольных канфедэрацый, і зараз яны будуць абмяркоўвацца на выканкаме ФІФА 19 і 20 сакавіка.

Чуткі аб тым, что Чэмпіянат свету ў Катары можа быць перанесены з традыцыйных летніх месяцаў на менш гарачую пару года, пачаліся з таго моманту, калі стала вядома, хто будзе гаспадаром першынства.

Лета ў гэтым рэгіёне традыцыйна гарачае — нярэдка тэмпература падымаецца да плюс 50 градусаў. Мяркавалася, што праблему гарачыні ў Катары вырашаць з дапамогай інавацыйных сістэм кандыцыянавання футбольных арэн. Але гэты крок дазваляў забяспечыць камфортную тэмпературу паветра толькі на тэрыторыі стадыёнаў.

Стужка навiн
0