МІНСК, 20 сак-Sputnik. Цела без вестак зніклага журналіста The Wall Street Journal Дэйвіда Берда было знойдзена ў рацэ ў штаце Нью-Джэрсі ў мінулы чацвер, паведамляе New York Post са спасылкай на паліцыю штата.
Берд выйшаў на прагулку ў парк больш за год таму і не вярнуўся дамоў. Цела 55-гадовага журналіста было знойдзена 19 сакавіка ў рацэ двума канаістамі.
"Два чалавекі, якія плавалі на каноэ па рацэ Пасаік, знайшлі куртку чырвонага колеру, якая належала журналісту. Пазней паліцыянты выявілі цела, якое было ідэнтыфікавана", — гаворыцца ў паведамленні выдання.
Паліцыя штата Нью-Джэрсі адзначае, што з-за доўгага знаходжання цела ў вадзе, ідэнтыфікаваць рэшткі журналіста стала магчымым дзякуючы медыцынскім дадзеным зубнога лекара, у якога лячыўся загінуўшы. Распачата расследаванне прычын гібелі журналіста.
"Дэйвід Берд быў цэнным супрацоўнікам ньюсрума, і мы былі глыбока засмучаны, калі даведаліся пра яго пагібель. Нашы думкі і малітвы цяпер з яго сям'ёй і сябрамі",-паведаміў шэф-рэдактар The Wall Street Journal Джэрард Бэйкер.
Берд больш за 20 гадоў прапрацаваў у рэдакцыі The Wall Street Journal, асвятляючы эканамічныя тэмы. 10 гадоў таму ён перанёс трансплантацыю ныркі і затым апісваў адчуванні ў сваім блогу. Пасля аперацыі Берд заставаўся заўзятым аматарам паходаў і падарожжаў і наведаў больш за 35 краін.
