МІНСК, 26 сак — Sputnik. Адзіны дзень бяспекі дарожнага руху правядзе Дзяржаўтаінспекцыя Беларусі 27 сакавіка, паведамілі Sputnik ў прэс-службе ведамства.
Акцыя пройдзе ў рамках дэкады па выяўленні вадзіцеляў, якія не маюць права кіравання транспартным сродкам.
"Далёка не ўсе вадзіцелі лічаць для сябе законам адмовіцца ад паездкі, не маючы на тое адпаведнага права. Пра гэта сведчыць і статыстыка дарожных здарэнняў, і колькасць затрыманых за кіраванне транспартам без пасведчання кіроўцы", — паведамілі ў прэс-службе, адзначыўшы пры гэтым, што многія затрыманыя кіроўцы нават не імкнуцца прайсці навучанне ў аўташколе. Паводле звестак Дзяржаўтаінспекцыі, толькі за два першыя месяцы 2015 года "бяспраўнікі" здзейснілі 32 ДТЗ, у якіх сем чалавек загінула і 30 была траўмавана.
У рамках акцыі супрацоўнікі ДАІ правядуць спецмерапрыемства "Фільтр" падчас якога экіпажы, абсталяваныя мабільным комплексам ідэнтыфікацыі нумарных знакаў "Аўтаўраган" будуць выяўляць ў патоку транспарт, якім кіруюць "бяспраўныя" вадзіцелі.
У ДАІ нагадалі, што кіраванне аўтамабілем без дазвольнага дакумента, а таксама перадача кіравання асобе, які не мае на гэта права, цягне накладанне штрафу ў памеры ад пяці да 20 базавых велічынь (ад 900 тысяч да 3,6 мільёна беларускіх рублёў). За паўторнае парушэнне на працягу года прадугледжаны штраф ад 20 да 50 базавых велічынь.
