МІНСК, 1 кра — Sputink. Лепшым настаўнікам Мінска стаў выкладчык гісторыі сярэдняй школы № 199 Фрунзенскага раёна Яўген Сітко.
Спаборніцтва за ганаровае званне лепшага настаўніка праводзіцца ў сталіцы ў пяты раз.
Заснавальнік конкурса — камітэт па адукацыі Мінгарвыканкама пры падтрымцы Мінскай гарадской арганізацыі Беларускага прафесійнага саюза работнікаў адукацыі і навукі. Арганізацыйна- метадычнае суправаджэнне здясняў Мінскі гарадскі інстытут развіцця адукацыі.
У фінал конкурса выйшлі шасцера педагогаў, якія перамаглі ў шасці намінацыях. Так, у намінацыі "Разумнае. Добрае. Вечнае" (сярод настаўнікаў беларускай і рускай мовы і літаратуры) лепшай была прызнана выкладчыца беларускай мовы і літаратуры сярэдняй школы № 38 Фрунзенскага раёна Кацярына Дашчэчка.
У намінацыі "Калі цябе разумеюць" (сярод выкладчыкаў замежнай мовы) перамагла настаўніца англійскай мовы гімназіі № 1 імя Ф. Скарыны Ленінскага раёна Казіміра Ваніцкая.
У намінацыі "Мудрасць у абліччы прыгажосці" перамогу атрымаў настаўнік фізічнай культуры і здароўя гімназіі № 33 Фрунзенскага раёна Яўген Вараб'ёў.
Настаўнік фізікі гімназіі № 37 Фрунзенскага раёна Ігар Валынец стаў пераможцам у намінацыі "Правільнае рашэнне" (сярод выкладчыкаў фізікі, астраноміі, матэматыцы, інфарматыцы).
Настаўніца пачатковых класаў Караліна Дзевятлоўская школы № 39 Завадскогда раёна перамагла ў намінацыі "Пачатак пачаткаў".
У фінале конкурса ўдзельнікі прадставілі на суд журы рэкламу метдычнага прыёма.
