МІНСК, 2 красавіка — Sputnik. Вялікі велікодны Трыдыум пачынаецца ў каталікоў у чацвер, адзін з мінскіх прыходаў будзе весці анлайн-трансляцыю набажэнстваў.
Вялікдзень у каталікоў у 2015 годзе прыпадае на 5 красавіка, праваслаўныя ў гэты дзень адзначаюць Вербніцу, ці Уваход Гасподні ў Іерусалім.
"Спецыяльна для хворых, а таксама для тых вернікаў, якія па важных прычынах не могуць удзельнічаць у набажэнствах у дні Велікоднага Тридума, прыход Св. Іаана Евангеліста і св. Максіміліяна Кольбэ ў Мінску будзе весці прамыя трансляцыі", — паведамілі Sputnik ў прэс-службе рымска-каталіцкай царквы ў Беларусі.
Суразмоўцы агенцтва ўдакладнілі, што ў Вялікі чацвер анлайн-трансляцыя імшы Вячэры Гасподняй пачнецца ў 19.00, у Вялікую пятніцу (3 красавіка) у 18.30 пачнецца трансляцыя хроснага шляху, а ў 19.00 — літургіі Страсцей Гасподніх і пакланення Крыжу. У Вялікую суботу (4 красавіка) у 21.00 пачнецца анлайн-трансляцыя навячэр'я Вялікдня.
Як паведаміў журналістам мітрапаліт Мінска-Магілеўскі архібіскуп Рымска-каталіцкай царквы ў Беларусі Тадэвуш Кандрусевіч, Велікодны Трыдыум — гэта вяршыня літургічнага года.
"У Вялікі чацвер, калі ўспамінаюцца падзеі Тайнай Вячэры, святары зробяць абрад абмывання ног 12 мужчынам-парафіянінам. Гэтым мы паказваем, што павінны мыць ногі парафіянінам, як гэта зрабіў Хрыстос, абмыўшы ногі сваім 12 вучням-апосталам", — растлумачыў Кандрусевіч.
Паводле яго слоў, ніхто спецыяльна не выбірае, каму з вернікаў святар будзе абмываць ногі. "Гэта можа быць любы чалавек, ён толькі павінен загадзя папярэдзіць святароў, што ён гатовы ўдзельнічаць у такім абрадзе", — сказаў мітрапаліт.
Архібіскуп расказаў, што ў Вялікую пятніцу, адзіны дзень у годзе, калі ў касцелах не служацца святыя імшы, толькі ўвечары ідзе служба, падчас якой успамінаюцца мукі Хрыста на Крыжы, на гэтай службе прыхаджане становяцца на калені перад крыжом.
У Вялікую суботу, па словах Кандрусевіча, у храмах з самай раніцы пачынаюць асвячаць ежу.
"Прыносіць для асвячэння можна розныя прадукты, але самае галоўнае — павінны быць яйкі-нагадаў мітрапаліт.
Ён таксама паведаміў, што галоўная Велікодная літургія пачнецца ў архікатэдральным касцёле імя Святой Дзевы Марыі ў суботу ў 21.45. "Гэта час пачатку прамой тэлетрансляцыі", — удакладніў ен.
