Моцны вецер, з-за якога напярэдадні на Беларусі было абвешчана штармавое папярэджанне, выклікаў пясчаную буру ў Салігорску. Горад на некалькі хвілін патануў у цемры — бачнаць не перавышала некалькі метраў.
Бура магла ўзнікнуць з-за таго, што недаёка ад Салігорску знаходзяцца калійныя руднікі, а на паверхні зямлі — вялізныя пясчаныя горы. Ураганны вецер падняў з іх пясок і абрынуў яго на горад шахцёраў.
Раней паведамлялася, што ў Салігорску з-за моцнага ветру быў звалены бетонны плот футбольнага стадыёна "Будаўнік".
Усяго па інфармацыі МНС Беларусі, у панядзелак з-за шквалістага ветру пацярпела каля 150 населеных пунктаў.
