Памёр беларускі пісьменнік Уладзімір Содаль

© SputnikПамёр беларускі пісьменнік Уладзімір Содаль
Памёр беларускі пісьменнік Уладзімір Содаль - Sputnik Беларусь
Падпісацца
Беларускі літаратуразнаўца, пісьменнік Уладзімір Содаль памёр увечары 15 красавіка ва ўзросце 78 год.
МІНСК, 16 кра - Sputnik. У апошні час у Уладзіміра Содаля назіраліся праблемы са здароўем. Ён быў цяжка хворы. Верагоднай прычынай смерці стаў інфаркт, паведамляюць СМІ.
Свае першыя апавяданні Содаль апублікаваў у 1955 годзе ў газеце "Піянер Беларусі". Ён з'яўляецца аўтарам шэрагу кніг пра класікаў беларускай літаратуры Францішака Багушэвіча і Вінцэнта Дуніна-Марцінкевіча і пра нацыянальнага героя Беларусі Кастуся Каліноўскага.
Пасля заканчэння беларускай сярэдняй школы ў Жлобінскім раёне Гомельскай вобласці Содаль працаваў у Мурманску на ваенным заводзе. Пазней паступіў у Мінскі педагагічны інстытут, пасля заканчэння якога працаваў выкладчыкам у дзіцячым санаторыі і рэдактарам Беларускага тэлебачання, дзе быў адным са стваральнікаў шэрагу адукацыйных праграм.
Содаль з'яўляўся даследчыкам беларускай літаратуры і культуры XIX-XX стст., вывучаў жыццёвыя і творчыя шляхі Вінцэнта Дуніна-Марцінкевіча, Францішка Багушэвіча, Янкі Купалы, Максіма Багдановіча, Ядвігіна Ш і іншых.
Стужка навiн
0