МІНСК, 29 кра — Sputnik. Cупрацоўнік банку, які падазраецца ў крадзяжы больш за 11 мільярдаў рублёў у розных валютах у эквіваленце, абвешчаны ў вышук, паведаміў Следчы камітэт Беларусі.
Крадзеж быў здзейснены 25 красавіка. З аднаго з разлікова-касавых цэнтраў Цэнтральнага раёна Мінска была скрадзеная буйная сума — 690 тысяч долараў ЗША, 64 тысячы еўра, 3,9 млн расійскіх рублёў, 1,3 тысячы фунтаў стэрлінгаў, тысяча швейцарскіх франкаў, 45 тысяч грыўняў і 100 злотых.
"Падазраваны абвешчаны ў вышук, да расследавання прыцягнутыя лепшыя следчыя Мінска", — паведамілі Sputnik у сераду ў СК.
Па папярэдніх дадзеных, зламысніку атрымалася выкрасці грашовыя сродкі на суму звыш 11 мільярдаў рублёў у розных валютах у эквіваленце.
"Вынесена пастанова аб прыцягненні яго ў якасці абвінавачанага і ўжыванні меры стрымання ў выглядзе заключэння пад варту. Мужчына аб'яўлены ў вышук", — растлумачылі суразмоўцы агенцтва.
Там распавялі, што следствам у рамках крымінальнай справы дапытаныя дзясяткі супрацоўнікаў банка, канфіскавана і ўсебакова вывучаецца фінансавая дакументацыя, запісы камер відэаназірання, прызначаны шэраг экспертыз.
У ГУУС Мінгарвыканкама накіравана даручэнне ўсталяваць месцазнаходжанне і затрымаць асобу, датычную да здзейсненага дадзенага злачынства.
Упраўленне Следчага камітэта па Мінску расследуе абставіны крадзяжу грашовых сродкаў, распачата крымінальная справа, узбуджаная па ч. 4 арт. 205 КК.
