МІНСК, 29 кра — Sputnik. Павышэння ўзроўню радыяцыі на тэрыторыі Беларусі пасля пажару на тэрыторыі Украіны ў зоне ЧАЭС не зафіксавана, паведаміў міністр па надзвычайных сітуацыях рэспублікі Уладзімір Вашчанка.
Лясны пажар у зоне адчужэння ў Кіеўскай вобласці ўспыхнуў напярэдадні днём і хутка распаўсюдзіўся на плошчы каля 320 гектараў.
"Перавышэння няма. Сітуацыю мы цалкам кантралюем", — сказаў ён.
Вашчанка падкрэсліў, што ў цяперашні час МНС выставіла на прымежнай тэрыторыі дадатковыя пасты і тэхніку.
Паводле даных міністра, месца пажару размешчана ад мяжы Беларусі на адлегласці 30-35 кіламетраў.
Раней кіраўнік аддзела радыяцыйнага кантролю (РЦРКМ) Юрый Голікаў паведаміў Sputnik, што сетка маніторынгу радыяцыйнай абстаноўкі Гомельскай вобласці пераведзена на пачашчаны варыянт, кантроль за ўзроўнем радыяцыі ўзмоцнены.
