МІНСК, 12 мая — Sputnik. Дарогу да крэйдавых кар'ераў ў Краснасельску, больш вядомых як "беларускія Мальдывы" перакапалі, паведамляе інтэрнэт-рэсурс Волковыск.by.
Напярэдадні новага сезона адміністрацыя прадпрыемства "Краснасельскбудматэрыялы" і ўлады Ваўкавыска распачалі самыя радыкальныя спробы засцерагчы жыцця аматараў адпачыць на тэхналагічных кар'ерах, слава пра якія распаўсюдзілася далёка за межы Беларусі.
Раней ваўкавыскія ўлады былі вымушаныя звярнуцца да адміністрацыйнага рэсурсу, каб забараніць адпачывальнікам знаходзіцца ў раёне крэйдавых кар'ераў. У прыватнасці, было прынята рашэнне з 12 красавіка не пускаць на вытворчую тэрыторыю старонніх асоб. Пра тое, што на кар'ерах нельга знаходзіцца, папярэджваюць інфармацыйныя шчыты і знакі. Акрамя гэтага тэрыторыя "беларускіх Мальдываў" пастаянна патрулюецца супрацоўнікамі міліцыі, РАНС і Дэпартаментам аховы. А з нядаўняга часу дарога, якая вядзе да папулярнага месца адпачынку, і зусім была перакапана.
Калі ж адпачывальнікі праігнаруюць ўсе папярэджанні і змогуць трапіць на "пляж", то яны будуць вымушаны заплаціць штраф ад трох да дзесяці базавых велічынь. А аўтамабіль, на якім яны парушылі мяжу небяспечнай зоны, будзе адбуксіраваны на штрафстаянку.
На "беларускіх Мальдывах", глыбіня якіх дасягае 50 метраў, ужо патанула дзесяць чалавек. Акрамя гэтага вадаёмы небяспечны таксама высокім утрыманнем шкодных бактэрый, якія перавышаюць дапушчальную норму ў 100 разоў.
