МІНСК, 13 мая — Sputnik. Генадзь Дзятко, майстар цэха Барысаўскага завода аўтатрактарнага электраабсталявання (БАТЭ) стаў уладальнікам самага буйнога выйгрышу ў гісторыі беларускіх латарэй, паведамілі ў сераду ў прэс-службе Міністэрства спорту і турызму.
"З рук міністра спорту і турызму Аляксандра Шамко ён атрымаў сёння сертыфікат на тры мільярды рублёў", — распавёў Sputnik прэс-сакратар Мінспорту Уладзімір Несцяровіч.
Купіў два квіткі латарэі "Суперлато", адзін з якіх апынуўся выйгрышным. Які з іх прынёс Дзятко рэкордную суму грошай, ён ужо не памятае. Перадачу, дзе вызначаюцца пераможцы, у дзень выхаду ў эфір ніхто ў сям'і Дзятко не глядзеў, а ўспомнілі пра яе толькі праз пару дзён.
"Калі супалі апошнія лічбы 88 і 89, сэрца ледзь не выскачыла. Сума зрынула ў шок", — успамінае пераможца.
Беларус-мільярдэр яшчэ не вызначыўся з тым, куды патраціць выйграную ім суму. Па словах Дзятко, грошы спатрэбяцца для таго, каб вывучыць і паставіць на ногі сваю дачку Марыю.
"Пакуль жа частку ад выйгрышных сродкаў (па дзесяць мільёнаў рублёў рублёў) сям'я накіравала на патрэбы рэлігійнай абшчыны Рыма-каталіцкай парафіі Нараджэння Найсьвяцейшай Панны Марыі і прыходу храма Нараджэння Хрыстова ў горадзе Барысаве", — удакладнілі ў Мінспорту.
