МІНСК, 17 май — Sputnik. Амерыканскі рэжысёр Дэвід Лінч вернецца да здымак культавага серыяла "Твін-Пікс" (Twin Peaks), пра гэта ён паведаміў сваім прыхільнікам у Twitter.
Аб удзеле рэжысёра ў здымках было заяўлена яшчэ ў кастрычніку мінулага года, аднак у красавіку Лінч паведаміў, што адмовіўся ад працы, таму што распрацоўка сцэнарыя патрабуе больш грошай, чым было абяцана.
Dear Twitter Friends, the rumors are not what they seem….. It is!!! Happening again. #TwinPeaks returns on @SHO_Network
— David Lynch (@DAVID_LYNCH) 16 мая 2015
"Сябры, чуткі — зусім не тое, чым здаюцца… Усё паўторыцца зноў!", — паведаміў Лінч, дадаўшы, што новы сезон серыяла Twin Peaks будзе паказаны на тэлеканале Showtime.
Паспяховы вынік перамоў пацвердзілі таксама на канале Showtime — у Twitter кампаніі з'явілася паведамленне пра падрыхтоўку да здымак.
Містычны трылер "Твін-Пікс" трансляваўся ў 1990-1991 гадах. Дэтэктыўная гісторыя, закручаная вакол забойства школьніцы Лоры Палмер, была знятая ў фірмовым стылі Лінча: пад вонкавым глянцам і паказной прыстойнасцю маленькага гарадка Твін Пікс праступалі разнастайныя заганы.
