МІНСК, 19 мая — Sputnik. Акцыя "СТОП — спайс!" стартуе ў Беларусі ў аўторак, 19 мая, па ініцыятыве МУС, да праваахоўнікаў далучаюцца Міністэрства адукацыі і аховы здароўя, паведамілі Sputnik ў прэс-службе МУС.
Сёлета колькасць падлеткавых нарказлачынстваў павялічылася на больш чым на 70%. Прычым каля 90% нарказлачынстваў звязаны з курыльнымі сумесямі. За пяць месяцаў было зарэгістравана больш за сто адміністрацыйных правапарушэнняў, звязаных са з'яўленнем у грамадскіх месцах маладымі людзьмі ў стане наркатычнага ап'янення. Як адзначылі ў МУС, у асноўным да здзяйснення супрацьпраўных дзейянняў датычныя маладыя людзі 16 — 17 гадоў.
"З 19 па 23 мая ў краіне пройдзе акцыя "СТОП — спайс!", якая прадугледжвае арганізацыю праверак месцаў адпачынку моладзі, тэматычных сустрэч супрацоўнікаў міліцыі з падрастаючым пакаленнем, бацькамі, педагогамі, розных спартыўных і культурна-забаўляльных мерапрыемстваў, накіраваных на фарміраванне здаровага ладу жыцця", — гаворыцца ў паведамленні МУС.
Як адзначылі ў міністэрстве, для правядзення акцыі гэтыя дні выбраны невыпадкова — летась менавіта ў вяснова-летні перыяд адбылося рэзкае павелічэнне колькасці учыненых падлеткамі супрацьпраўных дзей.
"Сёння на ўліку складаецца амаль 16 тысяч непаўналетніх спажыўцоў алкаголю і наркотыкаў, у той час як сярод дарослых пацыентаў нарколагаў гэтая лічба дасягае 200 тысяч",-прыводзіць словы загадчыка наркалагічнага аддзялення для лячэння і рэабілітацыі асоб, якія пакутуюць сіндромам залежнасці ад псіхаактыўных рэчываў, РНПЦ псіхічнага здароўя Уладзіміра Іванова сайт МУС.
Акцэнт у рабоце з падлеткамі павінен быць зроблены на забеспячэнні іх занятасці, у тым ліку і ў час канікул, лічыць загадчыца падлеткавага наркалагічнага аддзялення гарадскога клінічнага наркадыспансера Мінска Людміла Шпакоўская. Так, з новага навучальнага года ў школах краіны плануецца ўводзіць псіхасацыяльных анкетаванне на схільнасць да наркатычнай залежнасці.
