МІНСК — 20 мая, Sputnik, Юлія Хвошч. Сёлета папулярны расійскі гурт The Matrixx адзначае пяцігадовы юбілей. Да даты заснавання калектыў запісаў чацвёртую студыйную плытку "Резня в Асбесте" і адправіўся ў вялікі тур па гарадах Расіі і бліжэйшага замежжа з прэзентацыяй новых песень.
У канцэртнай праграме тура аматары творчасці калектыву пачуюць не толькі новыя песні з "Разні", усім вядомыя старыя песні "Матрыцы", але і гучныя хіты з рэпертуару "Агаты Кристи", удзельнікам якой доўгі час з'яўляўся цяперашні лідэр The Matrixx Глеб Самойлаў.
"Мы ўжо зрабілі сем канцэртаў у Сібіры, потым быў Смаленск, на перадзе — Масква і Піцер. Мінскія прыхільнікі таксама пачуюць песні з новага альбому і цэлы блок песень з рэпертуару "Агаты Кристи" — праграма ў гэтым гастрольным туры для ўсіх гарадоў аднолькавая" — паведаміў карэспандэнту Sputnik клавішнік і вакаліст гурта Кастусь Бекрэў.
Дарэчы, дата прэзентацыі альбому і святквання юбілея ў Мінску пакуль не высветлена. Арганізатары канцэртаў мяркуюць, што гэта адбудзецца не раней за верасень-кастрычнік сёлета.
На канцэрце ў Смаленску 16 мая ў "А-клубе" гурт выканаў песні "Без головы", "Добрая песня", "Романтика", "Грех", якія вельмі рэдка выконваюцца ў Мінску. З рэпертуару "Агаты Кристи" былі выкананы: "Ковер-вертолет","Розовый бинт", "Дорога паука", "Последнее желание", "Опиум" і традыцыйную "Порвали мечту".
У амаль двухгадзінным марафоне музыкі паводзілі сябе ў звыклай для іх манеры — шчырай, сяброўскай да публікі і адчувальнай. Наведвальнікі канцэрту таксама былі ўдзячныя калектыву, сярод якіх былі заўважаны прыхільнікі з розных гарадоў, у тым ліку Мінску і Санкт-Пецярбургу.
Гурт The Matrixx быў заснаваны пяць гадоў таму пасля расколу праекта "Агата Кристи", у якім Глеб Самойлаў працаваў разам са сваім братам Вадзімам. Сёння ў склад "Матрыцы" ўваходзяць Кастусь Бекрэў (лідэр гурта "Мир огня"), Глеб Самойлаў (былы ўдзельнік "Агаты Кристи"), бубнач Дзмітрый Снэйк ("НАИВ"), гітарыст Валерый Аркадзін ("НАИВ").
