МІНСК, 22 мая — Sputnik. Першае беларускае фэнтазі, чарадзейная казка для дзяцей і дарослых, выйшла ў свет у Гародні. У наведвальнікаў будзе магчымасць сустрэцца з аўтарам, пачаставацца адмысловым эліксірам "Таямніца Сямярых", паведамляе арганізатар мерапрыемства партал Budzma.by.
Гэта першая ў беларускай літаратуры кніга ў жанры высокага фэнтэзі, класікай якога з'яўляюцца "Хроники Нарнии" Клайва Льюіса і "Властелин колец" Джона Толкіена.
"На кнігі такога жанру ёсць вялікі чытацкі попыт сярод падлеткаў, але праблема ў тым, што даводзіцца чытаць альбо расійскія кнігі, альбо пераклады на беларускую з іншых моваў — у беларускай літаратуры такіх кніг няма. Якія ёсьць выйсці? Можна самастойна перакладаць з расійскай ці ангельскай моваў, і некаторыя так і робяць. А можна напісаць самому адразу па-беларуску — распавёў Шэйн у інтэрв'ю.
Кніга распавядае пра звычайнага гарадскога школьніка, у якога захварэла лепшая сяброўка. Людзі кажуць, што гэтая хвароба невылечная. Каб развеяць свае сумныя думы, Герой адпраўляецца на рачную выспу каля мястэчка і выпадкова трапляе ў незвычайную краінуЭферыю. Жыхары краінырасказваюць яму старажытную легенду пра Жывую ваду, якая ацаляе ўсе хваробы. Ясь вырашае адправіцца на пошукі крыніцы, каб здабыць ваду для Міркі.
Прэзентацыя адбудзецца 23 мая ў Гродна ў краме "Ц", вул. Траецкая, 16. Пачатак у 15:00.
