МІНСК, 28 мая — Sputnik. Пажылая жанчына атрымала апёкі ў выніку выбуху газу ў прыватным доме ў Полацку, паведамілі Sputnik ў Віцебскім абласным УМНС.
Выратавальнікам паведамленне аб выбуху ў прыватным доме ў Полацку, які належыць пенсіянерцы, паступіла ад лекараў хуткай медыцынскай дапамогі.
"Была шпіталізавана пенсіянерка, якая атрымала апёкі I-II ступені (50%) спіны, ног і рук, у выніку ўспышкі газапаветранай сумесі", — сказалі ў МНС.
Ратавальнікі таксама адзначылі, што, са слоў суседзяў, гаспадыня дома раніцай паспрабавала ўключыць газавую пліту, пасля чаго адбылася ўспышка газапаветранай сумесі без наступнага гарэння.
Паводле інфармацыі МНС, у выніку ўспышкі ў доме выбітыя вокны, у адным пакоі абрынулася столевае перакрыцце, пашкоджана газавая пліта.
