Беларусь паднялася на 30 пазіцый у рэйтынгу інвестпрывабнасці

© Sputnik / Владимир Астапкович / Перайсці ў медыябанкІнфармацыйныя экраны на біржы
Інфармацыйныя экраны на біржы - Sputnik Беларусь
Падпісацца
Узначальвае рэйтынг Швейцарыя, а апошняе, 174-е месца, займае Судан.

МІНСК, 31 мая — Sputnik. Беларусь палепшыла свае пазіцыі ў міжнародным рэйтынгу інвестыцыйнай прывабнасці і заняла 85-ы радок з 174 краін, паведаміла міжнародная кансалтынгавая кампанія BDO.

Згодна з вынікамі мінулага года, Беларусь займала 115-ю пазіцыю ў рэйтынгу.

Рэйтынг інвестпрывабнасці па версіі BDO ўзначальвае Швейцарыя. У пяцёрцы лідэраў апынуліся Сінгапур, Ганконг, Нарвегія, Данія і Нідэрланды. ЗША знаходзяцца на 14-м месцы, Расія займае 100-ы радок, Украіна апярэдзіла РФ і знаходзіцца на 89-й пазіцыі рэйтынгу, падняўшыся на 20 радкоў у параўнанні з мінулым годам, а замыкае рэйтынг Судан.

Суседзямі Беларусі ў рэйтынгу апынуліся Кітай, Філіпіны, Малдова і Манголія. Як адзначаецца на сайце кампаніі, разлік інвестыцыйнай прывабнасці краіны вызначаецца на аснове эканамічных, палітыка-прававых і сацыяльна-культурных фактараў.

Стужка навiн
0