МІНСК, 1 чэр — Sputnik. Гомельскія камунальнікі вырашылі пакараць вадзіцеля, чыё аўто перашкаджала пад'езду спецтранспарта да смеццевых кантэйнераў, і заблакавалі чорную "Ладу" смеццевымі бакамі.
Фота было зроблена ў панядзелак раніцай. Як адзначае аўтар, выпадак адбыўся на вуліцы Партовая.
"Уладальнікі прыпаркаваных не паводле фэн-шуя аўто былі пакараныя нашымі камунальнікамі. Сёння 2015/06/01 вул. Партовая", — піша ў каментары да фатаграфіі гамяльчанін Павел Сімкін.
Камунальнікі "адпомсцілі" вадзіцелю, які заблакаваў пад"езд да смеццевых бакаў
Вадзіцелю пашанцавала, што смеццевыя кантэйнеры апынуліся на колах і іх можна было адкаціць, інакш на дапамогу прыйшлося б клікаць усё тых жа камунальнікаў.
