МІНСК, 10 чэр — Sputnik. Пажар з чалавечымі ахвярамі адбыўся ў Віцебскім доме-інтэрнаце для састарэлых і інвалідаў позна вечарам 9 чэрвеня, паведамілі ў МНС.
"Інфармацыя пра пажар у пакоі на другім паверсе трохпавярховага цаглянага будынка жылога корпуса "Віцебскі дом-інтэрнат для састарэлых і інвалідаў" па вуліцы Фрунзе ў Віцебску паступіла ў аўторак у 23:07. У выніку пажару загінулі інваліды 1-й і 3 груп 1918 і 1937 гадоў нараджэння, якія пражывалі ў будынку", — гаворыцца ў паведамленні ведамства.
Па дадзеных МНС, удалося выратаваць санітарку дома-інтэрната і жанчыну 1966 года нараджэння, інваліда 2-й групы, якая пражывала ў будынку, абедзве шпіталізаваны.
Былі эвакуіраваны 47 чалавек, прычына пажару ў будынку усталёўваецца, паведамілі ў МНС.
