МІНСК, 12 чэр — Sputnik. Ансамбль балотнага панка і шаманскага рок-н-ролу "Нагуаль" прадставіць абсалютна новую праграму "Укулеле-бит" у клубе Graffiti 13 чэрвеня.
Укулеле ці "гавайская гітара", — шчыпковы музычны інструмент, які дорыць масу пазітыўных эмоцый і падымае настрой. Вельмі часта укулеле блытаюць з дзіцячымі цацачнымі гітарамі, але гэты інструмент зусім такім не з'яўляецца. За кошт свайго невялікага памеру укулеле вельмі зручна насіць з сабой.
" У Мінску мы презентуем праграму "Укулеле-бит". Спецыяльна для яе мы прывезлі з Германіі надзвычай рэдкі для Беларусі інструмент — бас-укулеле. Простая укулеле-сапрана, маленькая мелодыка — такія невялікія, амаль цацачныя інструменты нададуць нашым песням новае гучанне, не пазбавіўшы іх пры гэтым уласнага каларыту. Нам самім цікава, што з гэтага атрымаецца", — распавялі музыканты карэспандэнту Sputnik.
Днямі гурт "Нагуаль" трапіў у наступны тур украінскага тэле-шоу талентаў X-factor. Музыканты адзначылі, што ўдзел у шоу можа дапамагчы ім павысіць пазнавальнасць, выйсці на публіку, якая пры іншых умовах магла б і не пачуць пра "Нагуаль", папулярызаваць сваю музыку.
"Калі гэта атрымаецца, удзел у перадачы будзе больш чым апраўданым", — сказалі музыканты.
