МІНСК, 12 чэр — Sputnik. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў прэзідэнта Расійскай Федэрацыі Уладзіміра Пуціна і ўсіх расіян з Днём Расіі, паведамілі Sputnik ў прэс-службе кіраўніка беларускай дзяржавы.
Расіяне 12 чэрвеня адзначаюць Дзень Расіі — адзін з самых маладых дзяржаўных святаў краіны. 12 чэрвеня ў 1990-м першы З'езд народных дэпутатаў РСФСР прыняў Дэкларацыю аб дзяржаўным суверэнітэце Расіі. Афіцыйная назва "Дзень Расіі" была замацавана за святам толькі ў 2002 годзе.
"Сёння ў Расійскай Федэрацыі створана трывалая аснова для далейшага павышэння ўзроўню і якасці жыцця грамадзян, эфектыўнага развіцця эканомікі", — гаворыцца ў віншаванні.
Лукашэнка выказаў перакананасць, што і ў далейшым шматпланавае супрацоўніцтва Беларусі і Расіі, якое з'яўляецца прыкладам паспяховага інтэграцыйнага ўзаемадзеяння, будзе ў поўнай меры адказваць інтарэсам дзвюх краін.
