МІНСК, 14 чэр — Sputnik. Надзвычайны і паўнамоцны Пасол Індыі ў Беларусі Манодж Кумар Бхарці лічыць рэальным стварэнне ў перспектыве сумеснай беларуска-індыйскай мастацкай карціны.
З ініцыятывай пачаць сумеснай вытворчасць фільмаў выступіў прэм'ер-міністр Беларусі Андрэй Кабякоў.
"Я перакананы, што сумесная вытворчасць фільмаў — гэта трэцяя прыступка. Перш за ўсё, трэба ўбачыць зацікаўленасць індыйскіх вытворцаў кінапрадукцыі па прыездзе ў Беларусь, і гэты працэс ужо пачаўся", — заявіў кіраўнік дыпмісіі, адказваючы на пытанне Sputnik, ці з'явіцца калі-небудзь у пракаце беларуска-індыйская "Зіта і Гіта".
Паводле слоў дыпламата, на працягу апошніх двух гадоў ён актыўна займаўся наладжваннем сувязі індыйскіх кінакампаній з беларускімі калегамі. "Я запрашаў іх прыехаць сюды, каб яны ацанілі прыгажосць Беларусі і выбралі месца для здымак", — распавёў ён.
Пры гэтым пасол з радасцю адзначыў, што ў Беларусі ўжо з'явілася адна індыйская кампанія, якая адкрыла ў Беларусі сваё прадстаўніцтва і летам плануе прыступіць да здымак мастацкага фільма.
"Першую прыступку мы прайшлі. Другая прыступка — гэта непасрэдна здымкі фільма ў Беларусі. Як толькі першыя крокі будуць пройдзены, і Беларусь адкрые сябе індыйскую кінавытворчасць, тады такія праекты будуць з'яўляцца ў большай колькасці", — сказаў пасол.
Далей, паводле яго слоў, дойдзе чарга і да паўнаметражнага беларуска-індыйскага фільма, які будзе зняты двума краінамі.
