МІНСК, 15 чэр — Sputnik. Супрацоўнікі сталічнага наркакантролю затрымалі ў Мінску чарговага наркагандляра, канфіскавана больш за тры кілаграмы марыхуаны і 8,9 тысячы долараў ЗША, паведаміла Sputnik прэс-афіцэр Першамайскага РУУС Святлана Білінская.
Міліцыянты затрымлівалі наркагандляра сумесна з супрацоўнікамі спецыяльнага падраздзялення "Алмаз" МУС Беларусі.
"Пры аглядзе месца жыхарства затрыманага 27-гадовага беспрацоўнага мінчука было выяўлена 400 грамаў наркотыку, метамфетамін, 8950 долараў ЗША і 295 еўра", —сказала Білінская.
Яна таксама паведаміла, што пры аглядзе прыватнага дома ў Мінскай вобласці супрацоўнікі наркакантролю знайшлі лабараторыю па вырошчванні наркатычных сродкаў.
"У доме мелася памяшканне для высушвання кустоў канопляў, агульная маса якіх склала каля трох кілаграмаў", —сказала прадстаўнік РУУС.
Па словах Білінскай, у дачыненні да маладога чалавека ўзбуджаная крымінальная справа, праводзяцца праверачныя мерапрыемствы.
