МІНСК, 18 чэр — Sputnik. Эпідэміёлагі па выніках праверак забаранілі дзецям купацца толькі ў двух вадаёмах Мінскай вобласці, паведамілі Sputnik ў Мінскім абласным цэнтры гігіены, эпідэміялогіі і грамадскага здароўя.
Усяго на тэрыторыі Мінскай вобласці, паводле інфармацыі эпідэміёлагаў, у 2015 годзе вызначана 93 зоны рэкрэацыі з купаннем, а таксама четеры зоны рэкрэацыі без купання (па адной у Бярэзінскім і Уздзенскім раёнах і дзве — у Старадарожскім).
"У межах дзяржаўнага санітарнага нагляду адабрана і даследавана 762 пробы вады з паверхневых вадаёмаў, па мікрабіялагічных паказчыках дзве пробы вады не адпавядалі ўстаноўленым нарматывам параметрам", — сказалі ў цэнтры.
Эпідэміёлагі адзначылі, што абодва вадаёма з "дрэннымі" паказчыкамі размешчаны ў Пухавіцкім раёне.
"Па выніках нестандартных проб вады па мікрабіялагічных паказчыках абмежавана купанне дзяцей у двух зонах — на возеры "Матчына" ў гарадскім пасёлку Свіслач і вадаёме "Шацк" ў аднайменным аграгарадку", — падкрэслілі ў цэнтры.
У цэнтры нагадалі, што грамадзянам, якія збіраюцца адпачыць на прыродзе і выкупацца, варта ведаць: нельга купацца ў затопленых кар'ерах, пажарных і іншых вадаёмах. Эпідэміёлагі таксама паведамілі, што небяспечныя для купання возера, размешчаныя ў межах населеных месцаў, як правіла, абазначаюцца адмысловымі паказальнікамі.
