Праздничный салют в Москве в честь Дня Победы - Sputnik Беларусь
Дзень Перамогі
У 2023 годзе спаўняецца 78 гадоў Вялікай Перамозе. Як адзначаць 9 Мая сёлета? Што ўзгадваюць ветэраны і сведкі Вялікай Айчыннай вайны? Больш падрабязна чытайце ў матэрыялах Sputnik.

Першы парад прайшоў без Сцяга Перамогі і авіяцыі

© Sputnik / РИА Новости / Перайсці ў медыябанкЦырыманіальны марш зводных палкоў франтоў на Чырвонай плошчы
Цырыманіальны марш зводных палкоў франтоў на Чырвонай плошчы - Sputnik Беларусь
Падпісацца
Праграму прыйшлося карэктаваць з-за неідэальнай страявой падрыхтоўкі герояў-сцяганосцаў і з-за ... дажджу.

Вера Дашкевіч, Sputnik

Аб неабходнасці правесці Парад Перамогі Іосіф Сталін загаварыў яшчэ ў сярэдзіне мая. Прычым, па словах Вярхоўнага галоўнакамандуючага, гэта павінен быў быць "асаблівы парад" — з удзелам прадстаўнікоў усіх франтоў і ўсіх родаў войскаў.

Генштаб прасіў на падрыхтоўку два месяцы, Сталін даў месяц. 24 мая камандуючыя франтамі атрымалі дырэктыву "сфармаваць і накіраваць для парада ў Маскву зводны полк".

Рост — не ніжэй 176 см, узрост — не старэйшыя за 30 гадоў

Патрабаванні да фізічнай форме удзельнікаў параду сапраўды былі, пра гэта, да прыкладу, сведчыць адпаведны загад па войсках 1-га Беларускага фронту. Там паказвалася, што рост ўдзельніка парада перамогі павінен быць не ніжэй 176 см, а ўзрост — не болей за 30 гадоў. Але галоўным крытэрыем былі ўсё-ткі мужнасць і гераізм, праяўленыя на фронце.

© Sputnik / РИА Новости / Перайсці ў медыябанкСалдаты 1-га беларускага фронту на цырыманіальным маршы зводных палкоў на Чырвонай плошчы 24 чэрвеня 1945 года
Солдаты 1-ого Белорусского фронта на на церемониальном марше сводных полков фронтов на Красной площади 24 июня 1945 года - Sputnik Беларусь
Салдаты 1-га беларускага фронту на цырыманіальным маршы зводных палкоў на Чырвонай плошчы 24 чэрвеня 1945 года

У зводны полк, згодна з загадам Галоўнакамандуючага, павінны былі ўвайсці шэсць рот пяхоты, па роце — артылерыстаў, танкістаў і лётчыкаў, а таксама зводная рота кавалерыстаў, сапёраў і сувязістаў.

У сярэдзіне чэрвеня ўдзельнікі параду пачалі прыбываць у Маскву. Пачаліся штодзённыя шматгадзінныя трэніроўкі.

Ягораў і Кантарыя

Самая складаная страявая задача дасталася тым, хто нёс сцягі — рота павінна была несці трафейныя нямецкія сцягі і штандары. У ваенны час у франтавікоў не было часу адточваць крок. А зараз на пляцы ад іх патрабавалі дакладных і зладжаных рухаў.

"Нас муштравалі, як навабранцаў, гімнасцёркі не высыхалі ад поту. Але нам было па 20-25 гадоў, і велізарная радасць перамогі лёгка брала верх над стомленасцю", — успамінаў пазней удзельнік Параду Перамогі Кавалер двух ордэнаў Славы Сяргей Шыпкін.

© Sputnik / РИА Новости / Перайсці ў медыябанк"Насільшчыкі" трафейных нямецкіх сцягаў на парадзе перамогі ў Маскве 24 чэрвеня 1945 года
Носильщики трофейных немецких знамен и штандартов на Параде Победы в Москве 24 июня 1945 года - Sputnik Беларусь
"Насільшчыкі" трафейных нямецкіх сцягаў на парадзе перамогі ў Маскве 24 чэрвеня 1945 года

"Насільшчыкі" са сваёй задачай справіліся. Іх выхад на многія гады застаўся адным з самых відовішчных і эфектных момантаў Параду — пад барабанны бой, чаканячы крок, яны ішлі па Краснай плошчы, ля Маўзалея рабілі паварот направа і з сілай кідалі на спецыяльна устаноўленыя памосты варожыя сцягі.

А вось Сцяга Перамогі на Чырвонай плошчы 24 чэрвеня не было. Героі-сцяганосцы Міхаіл Ягораў і Мелітон Кантарыя, а таксама Сцяпан Неўстроеў, камандзір батальёна, якія штурмавалі Рэйхстаг, не здалі экзамен па страявой падрыхтоўцы. На генеральнай рэпетыцыі маршал Георгій Жукаў, якому мелася прымаць парад, прыняў рашэнне адмовіцца ад вынасу Сцяга.

© Sputnik / Сергей Лоскутов / Перайсці ў медыябанкСцяганосцы на парадзе перамогі 24 чэрвеня 1945 года ў Маскве
Знаменосцы полка одного из фронтов на Параде Победы на Красной площади 24 июня 1945 года - Sputnik Беларусь
Сцяганосцы на парадзе перамогі 24 чэрвеня 1945 года ў Маскве

Джульбарс

Джульбарс — легендарны сабака мінна-вышуковай службы, адзіны сабака-уладальнік медаля "За баявыя заслугі". За гады вайны здолеў выявіць больш за сем тысяч мінаў і 150 снарадаў. Джульбарс павінен быў, але не мог сам ўдзельнічаць у пераможным парадзе, таму што ў канцы вайны быў паранены.

© Sputnik / Сергей Лоскутов / Перайсці ў медыябанкМінёры з сабакамі мінна-вышукавай службы
Минеры с собаками минно-розыскной службы на Параде Победы - Sputnik Беларусь
Мінёры з сабакамі мінна-вышукавай службы

"Няхай гэтага сабаку пранясуць на руках па Чырвонай плошчы на ​​маім кіцелі", —  загадаў Сталін, калі даведаўся аб раненні легендарнага сабакі.

Дождж

Надвор'е 24 чэрвеня 1945 года было не самае спрыяльнае. Дзве гадзіны пераможцы маршыравалі па лужынах і пад праліўным дажджом. З-за непагадзі прыйшлося адмовіцца ад авія параду і дэманстрацыі працоўных.

© Sputnik / Яков Халип / Перайсці ў медыябанксамаходныя артэлірыйскія ўстаноўкі рухаюцца па чырвонай плошчы
Самоходные артиллерийские установки движутся к Красной площади для участия в Параде Победы - Sputnik Беларусь
самаходныя артэлірыйскія ўстаноўкі рухаюцца па чырвонай плошчы

Дождж спыніўся толькі пад вечар. Святочны дзень скончылі народнымі гуляннямі і салютам.

Стужка навiн
0