https://bel.sputnik.by/20150626/1015909851.html

Алесь Зайка прэзентаваў кнігу прыказак і прымавак з Косаўшчыны

Алесь Зайка прэзентаваў кнігу прыказак і прымавак з Косаўшчыны

Sputnik Беларусь

Амаль паўстагоддзя аўтар вывучае і збірае скарбы роднай мовы ў тым кутку Беларусі, дзе нарадзіўся Тадэвуш Касцюшка. 26.06.2015, Sputnik Беларусь

2015-06-26T12:48+0300

2015-06-26T12:48+0300

2023-02-23T14:03+0300

у беларусі

навіны

культура

еўропа

мінск

увесь свет

імпрэзы і прэзентацыі

ніл гілевіч

алесь зайка

культура і мастацтва

https://cdnn11.img.sputnik.by/img/101590/58/1015905840_0:209:3456:2382_1920x0_80_0_0_43de40d2f2388d7371b3a34cefff4776.jpg

МІНСК, 26 чэр — Sputnik. Поўная назва кнігі складаецца з 40 слоў — "Прыказкі і прымаўкі, жарты і каламбуры, прыгаворкі і языкаломкі, вясельныя прыгаворкі пры дзяльбе каравая, вітанні і зычэнні, ветлівыя і ласкавыя выразы, засцярогі і прысяганні, праклены і адкляцці, жартоўныя праклены  і дражнілкі-кепікі, зневажанні і параўнанні, прыкметы народнага календара з Косаўшчыны". Сярод літаратуразнаўцаў яе аркэслілі своеасаблівай навуковай установай у адным выданні.Прэзентацыя кнігі прайшла 25 чэрвеня ў Дзяржаўным літаратурным музеі імя Янкі Купалы, у ёй узялі ўдзел вядомыя дзеячы навукі і культуры, аматары беларускага фальклору і прыхільнікі беларускай мовы. Кнігу вывучыў і даслаў сваю ацэнку і вядомы фалькларыст і мовазнавец, прафесар Ніл Гілевіч."Сёння, калі я грунтоўна азнаёміўся з гэтай кнігай, я магу з пэўнасцю сказаць народным прыслоўем: гэта кніга, якой цаны няма. Якія цудоўныя ўзоры мудрасці і драматычнага густу ёсць тут на кожнай старонцы, якая глыбінная маральнасць і высокачалавечнасць закладзена ў іх. Мы з пачуццём глыбокай удзячнасці гаворым: "хвала і гонар гэтаму рупліваму збіральніку", — піша Гілевіч.Галоўны рэдактар выдавецтва "Тэхналогія" зачытвае віншаванні Ніла Гілевіча "Уявім сабе на хвілінку, што ў кожным раёне нашай краіны жыве гэтакі ж даследчык. І я ўпэўнены — усім нам стане лягчэй на душы за лёс нашай роднай мовы, а значыць за лёс роднай Беларусі. Зайкам зроблены вельмі значны ўклад у айчынную дыялекталогію. Такі ўклад, які дазваляе далучыць яго да кагорты самых аўтарытэтных людзей ў гэтай галіне. Віншую, шаноўны спадар Алесь", — адзначыў Гілевіч.Кнігу выдала вядомае беларускае выдавецтва "Тэхналогія". Колькі слоў пісьменніку сказаў і галоўны рэдактар выдавецтва Дзмітрый Сайко."Мы з шаноўным аўтарам знаёмы вельмі даўно, яшчэ з дзіцячых часоў. Тады ж ён і захапіўся вось гэтай справай, ураджай якой збірае сёння. Ён вельмі шмат зрабіў для нашых мясцін. Калі вам нехта скажа, што на Косаўшчыне самы вядомы чалавек — гэта Тадэвуш Касцюшка, вы пагадзіцеся, але з той папраўкай, што пасля Алеся Зайкі", — сказаў Сайко.Аўтар кнігі — настаўнік з вёскі Заполле Івацэвіцкага раёна. Кола навуковых зацікаўленняў даследніка вельмі шырокае: дыялекталогія, фразеалогія, парэміялогія, мікратапаніміка, фалькларыстыка, гісторыя сялібаў.Прэзентаваня кніга — не першая ў Алеся Зайкі. Раней убачылі свет "Дыялектны слоўнік Косаўшчыны", "Фразеалагічны слоўнік Косаўшчыны" і "Населенныя пункты Івацэвіччыны".Імпрэза была аздоблена купальскімі песнямі ў выкананні гурта "Мярэжа".

еўропа

мінск

увесь свет

беларусь

2015

Навіны

ru_BY

у беларусі, навіны , культура, еўропа, мінск, увесь свет, імпрэзы і прэзентацыі, ніл гілевіч, алесь зайка, культура і мастацтва, даследаванні, гісторыя, літаратура, мастацкая літаратура, этнагравія, дыялектыка, беларусь