МІНСК, 29 чэр — Sputnik. Развітанне з экс-прэм'ерам РФ і былым кіраўніком МЗС Яўгенам Прымаковым, які памёр у пятніцу на 86-м годзе жыцця, праходзіць у калоннай зале Дома саюзаў у Маскве.
Цырымонія пахавання Яўгена Прымакова будзе транслявацца ў прамым эфіры, адпаведны ўказ падпісаны прэзідэнтам РФ Уладзімірам Пуціным.
Труну акружылі салдаты з роты ганаровай варты. Побач з целам палітыка знаходзяцца члены яго сям'і і блізкія. Па перыметры залы выстаўлены жалобныя вянкі, у тым ліку ад дэпутатаў фракцыі "Адзіная Расія", ад урада Масквы, міністра абароны РФ, Апарату ўрада. Аркестр грае жалобную музыку.
Людзі, якія прыйшлі праводзіць таленавітага палітыка ў апошні шлях, выстройваюцца ў доўгую чаргу, многія з тых, хто прысутнічае на развітанні з аўтарам незалежнай расійскай знешняй палітыкі і стратэгіі шматпалярнага свету, не могуць стрымаць слёз.
Мала хто з дзяржаўных дзеячаў РФ выклікаў такую ўсеагульную павагу і прызнанне. Пасля паведамлення аб яго смерці спачуванні выказалі палітыкі розных перакананняў, аднагалосна адзначаючы вялікі ўклад Прымакова у станаўленне сучаснай Расіі.
Прэзідэнт Беларусі Аляксандр Лукашэнка выказаў спачуванні родным і блізкім Яўгена Прымакова ў сувязі з яго смерцю. Лукашэнка падкрэсліў, што Прымакоў аддаваў усе свае сілы станаўленню новай Расіі, павышэнню яе ўплыву на міжнароднай арэне і аўтарытэту.
Усходазнаўца па адукацыі, Прымакоў ў розныя гады узначальваў Інстытут усходазнаўства Акадэміі навук СССР, быў дырэктарам Інстытута сусветнай эканомікі і міжнародных адносін АН СССР. Са студзеня 1996 года з верасня 1998 года Прымакоў быў міністрам замежных спраў Расіі. За некалькі гадоў працы на гэтай пасадзе ён аб'ездзіў практычна ўвесь свет. У знешняй палітыцы Прымакоў стаў аўтарам стратэгіі "шматпалярнасці".
Адным з самых вядомых эпізодаў, звязаных з яго імем, стаў "разварот над Атлантыкай". У сакавіку 1999 Прымакоў, ужо будучы прэм'ерам, ляцеў з афіцыйным візітам у ЗША. У знак пратэсту супраць пачатку бамбаванняў Югаславіі ён разгарнуў над акіянам свой самалёт і вярнуўся ў Маскву.
