МІНСК, 20 ліп — Sputnik. Былы спікер Дзярждумы РФ Генадзь Селязнёў памёр напярэдадні вечарам.
"На жаль, сёння сэрца Генадзя Мікалаевіча перастала біцца", — прыводзіць РИА Новости словы зяця расійскага палітыка Андрэя Андрэева.
Па словах сваяка Селязнёва, ён вельмі моцна хварэў, а ў апошнія некалькі дзён яго здароўе пагоршылася і "лекары зрабілі ўсё, што магчыма". Андрэеў таксама дадаў, што яго цесць некалькі месяцаў змагаўся з цяжкай хваробай.
Селязнёў нарадзіўся 6 лістапад 1947. У 1974 годзе ён скончыў Ленінградскі дзяржаўны універсітэт (факультэт журналістыкі), акрамя гэтага былы старшыня Дзярждумы — кандыдат гістарычных навук.
Перад тым як прыйсці ў палітыку Селязнёў доўгі час прапрацаваў у журналістыцы: з 1974 па 1980 гады быў намеснікам галоўнага рэдактара, а затым і галоўным рэдактарам ленінградскай абласной газеты ВЛКСМ "Змена", пазней (1980-1988 гады) працаваў галоўным рэдактарам газеты "Камсамольская праўда", пасля гэтага ён узначальваў "Настаўніцкую газету" (1988-1991 гады) і з'яўляўся сакратаром Саюза журналістаў СССР, у 1991-1993 гадах займаў пасады першага намесніка галоўнага рэдактара, галоўнага рэдактара газеты "Праўда".
Палітычная кар'ера Селязнёва пачалася ў Дзяржаўнай думе першага склікання (1993-1995), тады ён быў намеснікам кіраўніка камітэта па інфармацыйнай палітыцы і сувязі (1994-1995), а са студзеня па снежань 1995-га — віцэ-спікерам Дзярждумы.17 снежня 1995 года быў абраны дэпутатам Дзярждумы па спісе КПРФ. Са студзеня 1996 года спікерам палаты.
Селязнёў быў сустаршынёй Міжпарламенцкай групы Расіі, членам савета Міжпарламенцкай асамблеі СНД, сустаршынёй расійскай дэпутацыі ў асамблеі, членам вышэйшага савета і старшынёй Парламенцкага сходу Саюза Расіі і Беларусі, намеснікам старшыні Парламенцкай асамблеі АБСЕ. З красавіка 1999 года быў членам Савета бяспекі Расіі. У снежні таго ж года быў абраны дэпутатам Дзярждумы трэцяга склікання па спісе КПРФ, старшынёй палаты.
У 2000 годзе ўзначаліў левацэнтрысцкі рух "Расія". Праз два гады быў выключаны з шэрагаў КПРФ і ў тым жа годзе стварыў Партыю адраджэння Расіі, у якой стаў старшынёй прэзідыума. 7 снежня 2003 быў зноў абраны дэпутатам Дзярждумы, стаў чальцом камітэта па прамысловасці, будаўніцтве і навукаёмістым тэхналогіях.
У 2009- 2014 гадах займаў пасаду старшыні савета дырэктараў Мосаблбанка. Ён быў членам савета па Грамадскаму тэлебачанню, старшынёй міжнароднага тэлекінафоруму "Разам".
Быў узнагароджаны ордэнамі Дружбы народаў, "За заслугі перад Айчынай" II ступені, медалямі. Меў грамадскія ўзнагароды.
