МІНСК, 22 ліп — Sputnik. Жэрар Дэпардзье прыляцеў у Мінск, паведаміў вечарам у аўторак тэлеканал "АНТ".
Прыбыццё артыста ў Беларусь ніяк не анансавалася. Сам ён у інтэрв'ю тэлеканалу прызнаўся, што ў Мінск яго прывёў, апроч іншага, і практычны інтарэс: акцёра зацікавіла беларуская сельская гаспадарка.
Аграрныя поспехі краіны яму цікавы не выпадкова: Дэпардзье займаецца рэстаранным бізнесам.
"Я аддаю перавагу складаць меркаванне аб краіне не з нечых слоў, а пабываўшы ў ёй асабіста. Пра Беларусь я шмат чаго даведаўся, калі быў у Расіі. Я вырашыў пераканацца ва ўсім сам. Наогул, лічу, што Беларусь даўно трэба прыняць у еўрапейскую сям'ю краін", — заявіў акцёр.
З Дэпардзье прыляцеў у Мінск і прадзюсер фільма, які будуць сумесна здымаць кінематаграфісты Францыі, Расіі і Беларусі. Стужку падтрымлівае Мінкульт, у ёй будзе расказана аб легендарным батальёне "Нармандыя-Нёман".
