МІНСК, 24 ліп — Sputnik. Сіноптыкі папярэджваюць аб спякоце ў суботу, у рэспубліцы ў сувязі з гэтым абвешчаны аранжавы ўзровень небяспекі, паведамілі Sputnik у Гідрамеце.
Пасля прахалоднага тыдня і шторму ў чацвер у рэспубліку вернецца па-сапраўднаму летняе надвор'е.
"Удзень 25 ліпеня (субота) у паўднёвых раёнах рэспублікі максімальная тэмпература паветра павысіцца да +30 +33. Аб'яўлены аранжавы ўзровень небяспекі", — паведамілі ў Гідрамеце.
Раней у МНС Беларусі папярэджвалі, што спякота небяспечна для чалавека цеплавым пераграваннем, абязводжваннем і абвастрэннем сардэчна-сасудзiстых захворванняў.
У МНС адзначылі, што ў спякоту не варта ўжываць алкаголь — пры высокіх тэмпературах яго дзеянне на арганізм шматкроць узмацняецца. Пры гэтым у міністэрстве адзначылі, што вадкасці — сокаў, мінеральнай негазаванай і простай вады — трэба піць як мага больш.
Аранжавы ўзровень небяспекі абвяшчаецца, калі ўмовы надвор'я ўяўляюць рэальную небяспеку — пры шквалах, ліўнях, навальніцах, градзе, спякоце, маразах, снегападах і завеях, то бок з'явах, якія могуць негатыўна паўплываць на сацыяльна-эканамічную дзейнасць і прывесці да значнага матэрыяльнага шкоды, а таксама чалавечых ахвяр.
