МІНСК, 25 ліп — Sputnik. Трэці вечар класічнай музыкі ў Ратушы пройдзе 25 ліпеня, у мінулую суботу канцэрт пад адкрытым небам наведалі 10 тысяч чалавек.
Арганізатары абяцаюць музыку барока ў трэці вечар класічнай музыкі. Ёсць і прыемная навіна для прыхільнікаў джаза: частка твораў тут выканаюць у гэтым папулярным стылі.
Мяняць гучанне класікі сусветнай музыкі будзе квартэт саксафаністаў SaXaS. Традыцыйнае выкананне на вечары прадставіць ансамбль салістаў "Парціта". Прагучаць "Жарт" Баха, "Сезоны года" Вівальдзі, "Музыка на вадзе" Гендэля і іншыя творы эпохі барока.
Музычны вечар пачнецца ў 20:00. Па традыцыі, прыйсьці туды можа любы ахвочы.
На вечары 25 ліпеня музыка ў Ратушы не скончыцца: ужо ў нядзелю з 19:00 да 21:00 арганізатары ўсталююць тут раяль, на якім любы жадаючы зможа згуляць. Ну а 2 жніўня на Плошчы Свабоды будуць святкаваць дзень нараджэння кампазітара Міхаіла Клеафаса Агінскага.
