МІНСК, 29 ліп — Sputnik. Пасол Расіі ў Беларусі Аляксандр Сурыкаў падкрэслівае, што расследаванне па крушэнні малайзійскага Boeing павінна весціся па правілах Міжнароднай арганізацыі грамадзянскай авіяцыі (IATA), а не на падставе двухбаковых пагадненняў, і лічыць стварэнне міжнароднага трыбунала контрпрадуктыўным.
Шэраг краін раней ўнеслі праект рэзалюцыі Савета бяспекі ААН аб стварэнні міжнароднага трыбунала па расследаванні крушэння самалёта MH17 на Украіне ў ліпені 2014 года. З ініцыятывай стварэння трыбунала выступалі Малайзія (лайнер належаў малайзійскай кампаніі), Аўстралія, Нідэрланды (большасць з 298 загінулых людзей на борце былі грамадзянамі гэтых краін), Украіна і Бельгія.
"Расія стала удзельнікам прыняцця рэзалюцыі Савета бяспекі ААН аб расследаванні гэтай трагедыі і да гэтага часу лічыць, што расследаванне павінна ісці празрыста і транспарэнтна, на аснове правілаў Міжнароднай арганізацыі грамадзянскай авіяцыі, гэта запісана ў рэзалюцыі", — сказаў Сурыкаў у эксклюзіўным інтэрв'ю Sputnik.
У той жа час, заўважыў дыпламат, краіны, якія ўдзельнічаюць у расследаванні, сталі адхіляцца ад правілаў IATA і ўсё больш арыентуюцца на двухбаковыя пагадненні з Украінай у гэтай галіне.
"Гэта не зусім дакладна. Патрэбны правілы Міжнароднай арганізацыі грамадзянскай авіяцыі", — падкрэсліў дыпламат.
Паводле яго слоў, прадстаўнікі дыпведамства гэтых краін, уключаючы Украіну ў пачатку другой дэкады ліпеня кансультаваліся з МЗС РФ з нагоды міжнароднага трыбунала.
"Расійскі бок лічыць контпрадуктыўным стварэнне міжнароднага трыбунала. Таму што, па-першае, іх ніколі не было, па-другое, створаныя трыбуналы ААН па іншых пытаннях паказалі, шчыра кажучы, не вельмі прадуктыўную працу", — сказаў пасол.
Сурыкаў заўважыў, што, напрыклад, міжнародны трыбунал па Югаславіі створаны амаль дваццаць гадоў таму, аднак вынікаў яго працы да гэтага часу не відаць.
Ён звярнуў увагу, што "міжнародны трыбунал менавіта па такіх выпадках, калі ваенныя збіваюць грамадзянскі самалёт, не ствараўся ніколі".
Сурыкаў таксама заўважыў, што хоць расійскія спецыялісты і прымаюць удзел у расследаванні, да ўсіх дакументаў расследавання іх не дапускаюць. Акрамя таго, дадаў ён, сама камісія па расследаванні стала дапускаць ўцечкі матэрыялаў па незавершаным расьсьледаванні.
"Мы лічым, што гэтага не трэба рабіць да заканчэння расследавання. Нашы розныя матэрыялы, якія можна было бачыць у свабоднай прэсе, наогул у ўлік не прымаюцца. І наогул, да заканчэння расследавання, гэта мой пункт гледжання, не трэба песціцца. Трэба дачакацца вынікаў, і тады ўжо аспрэчваць, або згаджацца, ці прызначаць дараследванне", — заўважыў кіраўнік расійскай дыпмісіі.
Суразмоўца Sputnik таксама выказаў меркаванне, што расследаванне крушэння борта МН17 можа быць завершана ўжо ў гэтым годзе, і прапанаваў "не прыспешваць падзеі".
