МІНСК, 30 ліп — Sputnik. Мемарыяльная дошка ў памяць аб шлюбе паэта Якуба Коласа і Марыі Каменскай ўсталяваная на званіцы Варварынскага сабора ў Пінску, паведамляецца на афіцыйным партале БПЦ.
У маладосці Колас працаваў настаўнікам у Пінкавічах, а з 1912 году некалькі гадоў выкладаў ў адным з парафіяльных вучэльняў Пінска.Паэт і Каменская бралі шлюб у чэрвені 1913 гады ў Праабражэнскім храме, які ўваходзіў у комплекс манастыра.
Паведамляецца, што ва ўрачыстым адкрыцці мемарыяльнай дошкі прынялі ўдзел нявестка Коласа Аляўціна і ўнучкі паэта — Марыя і Вера Міцкевіч.
Арцыбіскуп Пінскі і Лунінецкі Стэфан, які выступіў адным з ініцыятараў адкрыцця памятнага знака, прачытаў верш Коласа "Мая просьба".
У сваю чаргу Вера Міцкевіч падзякавала арцыбіскупа Стэфана і мясцовыя ўлады за ўвагу да захавання спадчыны паэта і адзначыла, што памятныя знакі ў месцах, дзе спалучаліся вузамі шлюбу вядомыя людзі, ўсталёўваюцца не так часта.
Якуб Колас (сапраўднае імя і прозвішча Канстанцін Міцкевіч) з'яўляецца адным з класікаў беларускай літаратуры. Меў званне народнага паэта Беларускай ССР, акадэміка АН, заслужанага дзеяча навукі. У гонар Коласа названы вуліца і плошча ў Мінску, віцебскі Акадэмічны драматычны тэатр, а таксама бібліятэка НАНБ.
