МІНСК, 10 жні — Sputnik. Неспрыяльная экалагічная сітуацыя ў Мінску звязана з анамальна высокай тэмпературай паветра, якая ўсталявалася на мінулым тыдні.
Прыняцце мер па паляпшэнню экалагічнай сітуацыі ў беларускай сталіцы абмяркоўвалася на аператыўнай нарадзе ў Мінскага гарвыканкаме ў панядзелак. Асаблівая ўвага, як паведамілі ў прэс-службе, сярод іншага была ўдзелена тэме анамальнай спёкі. Па дадзеных Гідрамета, тэмпературныя рэкорды абнавіліся практычна ва ўсіх рэгіёнах рэспублікі.
"Павышаны тэмпературны рэжым, магутныя прыземныя інверсіі, слабы вецер і адсутнасць ападкаў стварылі ўмовы, якія спрыяюць назапашванню забруджвальных рэчываў у прыземным слоі паветра", — растлумачыў старшыня Мінскага гарадскога камітэта прыродных рэсурсаў і аховы навакольнага асяроддзя Сяргей Масляк.
Паводле яго слоў, сітуацыя пагаршаецца таксама лакальнымі ляснымі і тарфянымі пажарамі ў Магілёўскай і Гомельскай абласцях.
"У сувязі з гэтым у Мінску падвысілася ўтрыманне ў паветры забруджвальных рэчываў. Сярэдні ўзровень забруджвання ўзрос у 1,5-2 разы ў такіх рэчываў, як аксід вугляроду і дыяксід азоту. Але перавышэнне гранічна дапушчальных канцэнтрацый (ПДК) забруджвальных рэчываў не зарэгістравана", — удакладніў Масляк, звярнуўшы ўвагу, што перавышэнне нарматыву якасці адзначана толькі па цвёрдых часціцах і прыземнага азону ў некаторых раёнах горада (на вуліцах Ціміразева, Каржанеўскага, Радыяльнай).
Дождж, які прайшоў у горадзе раніцай, спрыяў "неістотнаму" зніжэнню канцэнтрацыі забруджвальных рэчываў. Аднак, у Мінскім гарвыканкаме ўдакладнілі, што мінчукам не варта абнадзейвацца.
"У пачатку другой дэкады жніўня ў сувязі з рэкордна высокімі тэмпературамі паветра прагназуецца наступ анамальна неспрыяльных метэаралагічных умоў, якія будуць спрыяць росту канцэнтрацыі фармальдэгіду і прыземнага азону", — гаворыцца ў паведамленні.
У сувязі з гэтым у ДВА "Гаррамаўтадар Мінгарвыканкама" былі накіраваны рэкамендацыі з патрабаваннем забяспечыць дадатковы паліў вуліц. Так, колькасць машын, якія працуюць на паліве цэнтральных вуліц, павялічана на 30%. Днём у спякоту працуюць 60 адзінак такога спецтранспарту. А ў цэлым у суткі задзейнічаны 110-120 адзінак палівальнай тэхнікі.
