Мінгандлю зачыніў 11 крамаў ААТ “Постгандаль”

© Sputnik / Виктор ТолочкоМагазін "Постгандль"
Магазін Постгандль - Sputnik Беларусь
Падпісацца на
НовостиTelegram
Крамы гандлёвай сеткі ААТ “Постгандаль” былі зачынены за пратэрмінаваную прадукцыю.

МІНСК, 11 жні — Sputnik. Міністэрства гандлю прыпыніла ў панядзелак дзейнасць 11 магазінаў і аб'ектаў грамадскага харчавання ААТ "Постгандаль", паведаміла прэс-служба ведамства.

"Падчас пазапланавай праверкі ўстаноўлены шэраг парушэнняў гандлёвага заканадаўства: невыкананне асартыментных пералікаў тавараў, невыкананне тэмпературных рэжымаў захоўвання прадуктаў, правядзенне мерапрыемстваў, якія стымулююць рэалізацыю алкагольных напояў і піва, адсутнасць цэннікаў на тавары і іншыя парушэнні", — гаворыцца ў паведамленні.

Таксама адзначаецца, што ў палове правераных аб'ектаў прадаваліся прадукты са скончаным тэрмінам захоўвання.

Мінгандлю адвёў кіраўніцтву ААТ "Постгандаль" 10 дзён на ліквідацыю выяўленых парушэнняў.

ААТ "Постгандаль" было створана ў 1994 годзе на базе Райхарчгандля Партызанскага раёна і з'яўляецца самай буйной гандлёвай арганізацыяй, якая ажыццяўляе продаж прадуктаў харчавання ў Партызанскім раёне Мінска.

З пачатку года Міністэрства гандлю правяло праверкі больш за 1200 аб'ектаў гандлю і грамадскага харчавання. Па іх выніках складзена і накіравана ў судовыя органы больш за 1,6 тысячы пратаколаў аб адміністрацыйных правапарушэннях, агульны памер штрафных санкцый перавысіў 4,3 мільярды рублёў.

Стужка навiн
0