МІНСК, 13 жні — Sputnik. Кабінет міністраў Расіі абмяркоўвае павышэнне пенсій ў 2016 годзе ў межах бюджэтнага працэсу, паведаміла агенцтва РИА Новости са спасылкай на прэс-сакратара віцэ-прэм'ера Вольгі Галадзец Аляксея Леўчанка.
Раней газета "Ведамасці" паведаміла, што на нарадзе ў прэзідэнта Расіі было прынята рашэнне павялічыць пенсіі ў 2016 годзе на 7,1%, што з'яўляецца кампрамісам паміж прапановай Міністэрства фінансаў аб індэксацыі на 5,5% і прапановай віцэ-прэм'ера аб павышэнні пенсій у наступным годзе на 11,9%.
"Ніякіх рашэнняў па індэксацыі ў цяперашні час не прынята. Ідзе бюджэтны працэс, і ва ўрада пакуль яшчэ ёсць магчымасць абмяркоўваць гэтую тэму", — цытуе агенцтва словы Леўчанка.
Як адзначыў прэс-сакратар, дата нарады, на якой працягнецца абмеркаванне, пакуль не названа.
У Беларусі апошні раз пераразлік пенсій адбыўся 1 мая гэтага года. Наступнае павышэнне, на 5%, запланавана на 1 верасня. Адпаведнае ўказанне прэзідэнт Беларусі аддаў міністру працы і сацыяльнай абароны Марыяне Шчоткінай.
