МІНСК, 17 жні — Sputnik. Сталічныя ўлады разглядаюць пытанне аб унясенні змяненняў у рашэнне, якое тычыцца тэрмінаў адсялення жыхароў прыватных дамоў у цэнтры Мінска.
Амаль сем гадоў жыхары прыватных дамоў па вуліцах Чарвякова і Ураджайнай у Мінску жывуць "на чамаданах": пад вокнамі вядзецца будаўніцтва, зямля ім больш не належыць, а ўмовы і тэрміны адсялення кампаніяй-забудоўшчыкам былі незразумелыя, паколькі парадак і тэрміны адсялення прапісаны ў двух супярэчлівых адзін аднаму дакументах.
Пасля звароту жыхароў зносімых дамоў у Следчы камітэт, Мінгарвыканкам і шэраг іншых арганізацый камітэт па архітэктуры і горадабудаўніцтву вырашыў унесці змены ў рашэнне аб парадку адсялення.
"Кампанія-забудоўшчык "Метадос" павінна будзе адсяліць жыхароў да пачатку трэцяга этапу забудовы Ураджайнай-Чарвякова. Цяпер праект змены знаходзіцца на разглядзе ў зацікаўленых службаў Мінгарвыканкама", — гаворыцца ў лісце гарадскіх уладаў уладальнікам зносімых дамоў.
