МІНСК, 28 жні — Sputnik. Карціна "Кветкі" італьянскага мастака Паола Парпоры (XVII стагоддзе) пацярпела ад падзення дзіцяці, піша Focus Taiwan.
Карціна выстаўлялася на выставе ў Тайбэі. На запісах камер відэаназірання відаць: хлопчык, ідучы за экскурсаводам, выпадкова спатыкнуўся і ўпаў на палатно, прабіўшы ў ім адтуліну. Потым ён разгублена глядзіць па баках, і, па дадзеных тэлекампаніі, сыходзіць з месца інцыдэнту.
"Ні хлопчык, ні яго сям'я не панясуць адказнасці. Грошы на рэстаўрацыю будуць атрыманы ад страхавой кампаніі", — цытуе Focus Taiwan куратара выставы Андрэа Росі.
Паола Парпора — італьянскі мастак позняга барока з Неапалю, спецыялізаваўся на напісанні фруктовых і кветкавых нацюрмортаў. Кошт яго прац даходзіць да трох-чатырох мільёнаў долараў ЗША.
