TT-34: сінгл "Я знаю" і трэк-ліст новага альбома ужо ў сеціве

© Photo : акаўнт ТТ-34 у facebookTT-34
TT-34 - Sputnik Беларусь
Падпісацца на
НовостиTelegram
Гурт ТТ-34 прэзентаваў ў інтэрнэце першы трэк са свайго будучага альбома.

МІНСК, 7 вер — Sputnik. Песня атрымала назву "Я знаю" і па словах музыкаў найлепей дэманструе новае гучанне каманды і дае зразумець, якім будзе саўнд альбома.

Альбом пісаўся цягам году ў трох розных студыях Гомеля ў некалькі сесій. Увесь матэрыял ужо адпісаны за выключэннем вакалу для песні "Надежда", які  плануецца запісаць у верасні. Цяпер усе трэкі зводзяцца.

"Асобных сінглаў мы не плануем. Але паступова гатовыя песні будуць выкладвацца ў сеціва. Таксама для аматараў мець любімую музыку на фізічных носьбітах плануецца і выданне абмежаванага накладу дыскаў з адпаведным афармленнем і дыстрыбуцыяй", — распавялі ў інтэрв'ю Еўрарадыё ўдзельнікі ТТ-34.

 Яны таксама адзначылі, што выхад новага альбома прызначаны на кастрычнік-лістапад. Але ён яшчэ не атрымаў назву, гэта адбудзецца ў апошні момант, як заўжды і бывае".

 Апублікаваны таксама поўны трэк-ліст будучага альбому. Дыск будзе складацца з 11 трэкаў: "Интро", "ПЗДЦ", "Ойра", "Иной", "Я знаю", "Родина", "Аэростаты", "В последний раз", "Два шага", "Надежда", "Амёба".

Бліжэйшыя выступы гурта:

  • 24 кастрычніка — Берасце, Men's Fest-2015 разам з Jinjer і TerraKod;
  • 31 кастрычніка — Мінск, вялікі канцэрт 36/13 разам з Gods Tower i Rasta;
  • 19 верасня — Мінск, Дамавы і Seryoga прэзентуюць у Дварцы Спорту олдскульны праект "Туфли Гну".
Стужка навiн
0