МІНСК, 9 вер — Sputnik. Забарона на наведванне лясоў знятf ў Віцебскай вобласці, паведамілі Sputnik ў Віцебскім рэгіянальным упраўленні МНС.
Забарона дзейнічала на тэрыторыі рэгіёну больш за месяц. Гэта было звязана з высокай пажаранебяспечнай сітуацыяй у лясных масівах. Аднак пасля дажджоў, якія прайшлі па рэспубліцы, клас небяспекі быў зніжаны.
"Згодна з рашэннямі райвыканкамаў, дазволена наведванне лясоў на тэрыторыі ўсёй вобласці", —гаворыцца ў паведамленні МНС.
Аднак ва ўпраўленні адзначылі, што, нягледзячы на дазвол наведваць лес, неабходна выконваць правілы супрацьпажарнай бяспекі.
"За распальванне вогнішчаў у забароненых месцах прадугледжана папярэджанне або накладанне штрафу ў памеры да 12 базавых велічынь", — нагадалі ў ведамстве.
Раней Міністэрства лясной гаспадаркі паведамляла, што ў бліжэйшы час забарона на наведванне лясоў можа быць зняты па ўсёй рэспубліцы.
