МІНСК, 10 вер — Sputnik. Цэнтрвыбаркам Беларусі не зарэгістраваў у якасці кандыдата ў прэзідэнты самавылучэнку Жанну Раманоўскую, якая дала ў ЦВК з неабходных 100 тысяч подпісаў менш за 800, 789 з іх ЦВК прызнаў сапраўднымі.
Дадзенае рашэнне было прынята на пасяджэнні Цэнтрвыбаркама Беларусі, якое праходзіць у чацвер у правым крыле Дома ўрада, перадае карэспандэнт Sputnik.
Раманаўская заявіла, што вырашыла выканаць усю працэдуру па вылучэнні кандыдатаў. Былая настаўніца выказала падзяку ўсім хто, яе падтрымліваў, а таксама асобную — супрацоўніку сакратарыята ЦВК, які "ў спякоту выратаваў яе бутэлечкай вады". Таксама самавылучэнка падзякавала журналістаў за праўдзівае асвятленне.
Жанна Раманоўская нарадзілася ў 1967 годзе ў Брэсце. Працавала школьнай настаўніцай. У цяперашні час — беспрацоўная, жыве ў Мінску з двума сынамі. На яе рашэннне ўдзельнічаць у прэзідэнцкай гонцы паўплывалі праблемы бытавога характару: у жанчыны адабралі яшчэ не пабудаваную кватэру ў сталіцы.
