МІНСК, 11 вер — Sputnik. Разведаных запасаў нафты пры цяперашніх тэмпах здабычы ў Беларусі хопіць на 30 гадоў, заявіў у эфіры тэлеканала АНТ міністр прыродных рэсурсаў Андрэй Каўхута.
"Разведаныя запасы складаюць парадку 53 мільёнаў тон. Пры такой здабычы, як цяпер (1,64 мільённы тон — Sputnik), гэта на 30 гадоў", — сказаў Каўхута, адзначыўшы, што рэспубліка па здабычы нафты займае 50-е месца ў свеце і восьмае — у Еўропе.
Кіраўнік ведамства падкрэсліў, што аб'ём запасаў пастаянна расце, прымяняюцца новыя тэхналогіі здабывання. Беларусь таксама не губляе надзей знайсці на сваёй тэрыторыі новыя радовішчы вуглевадародаў.
Каўхута нагадаў, што самыя вялікія аб'ёмы здабычы ў Беларусі былі адзначаны ў савецкі час і прыйшліся на 1975, калі з свідравін было атрымана каля 8 мільёнаў тон нафты.
"Але, на жаль, тады былі ўжытыя такія інтэнсіўныя метады здабычы, якія прывялі да страты часткі запасаў. Калі б тады не было гэта зроблена, зараз маглі б здабываць трохі больш", — панаракаў міністр.
Унутраная патрэба Беларусі ў нафце складае каля 6 мільёнаў тон у год. На двух беларускіх НПЗ штогод перапрацоўваецца да 23 мільёнаў тон расійскай нафты.
