МІНСК, 24 вер — Sputnik. Не менш за 150 чалавек загінулі ў цісканіне, якая стварылася з-за вялікай колькасці пілігрымаў у даліне Міна каля Мекі, каля 400 чалавек пацярпелі, паведамляе ў чацвер Sputnik Arabic са спасылкай на кіраванне грамадзянскай абароны Саудаўскай Аравіі.
Раней паведамлялася аб гібелі 100 чалавек. Ратавальнікі і медыкі працуюць на месцы здарэння.
Правядзенне хаджу ў гэтым годзе было азмрочана трагічным інцыдэнтам, які адбыўся 11 верасня ў галоўнай мячэці Саудаўскай Аравіі — Аль-Харам.
Пры падзенні будаўнічага крана, які прабіў дах мячэці і зваліўся ў яе двор, загінулі не менш за 109 чалавек, звыш 230 пацярпелі.
أنتم ضيوف الرحمن خدمتكم شرف لنا، وسلامتكم أسمى غاياتنا. جانب من جهود رجال الدفاع المدني في #مزدلفة. pic.twitter.com/k7dGcfYU6y
— الدفاع المدني (@KSA_998) 24 сентября 2015
Выкананне абрадаў хаджу — штогадовага вялікага паломніцтва да святых месцаў у Мецы і яе ваколіцах — пачалося ў аўторак.
Хадж — адзін з пяці слупоў ісламу, які кожны мусульманін павінен здзейсніць хоць бы раз у жыцці. У 2014 годзе на хаджы пабывала каля двух мільёнаў паломнікаў з усяго свету.
