МІНСК, 7 КАС — Sputnik. Фестываль "Тэатральны куфар" — гэта адзіны ў Беларусі міжнародны фестываль студэнцкіх тэатраў, адзін з самых уплывовых моладзевых тэатральных форумаў ва усходняй Еўропе. Да таго ж — транснацыянальная платформа, якая аб'ядноўвае таленавітую і актыўную моладзь з усяго свету.
У межах фестывалю існуе некалькі праектаў. "Koufar-to-Stage" — гэта праект, накіраваны на стварэнне платформы для культурнага і творчага абмену паміж студэнцкімі тэатрамі з розных краін. Кожная асобная фаза праекта ўяўляе сабой абмен двух пэўных тэатральных калектываў.
"Koufar-in-motion" — гэта арыгінальнае дзейства, пастаўленае за кароткі прамежак часу.
"Куфар.by" — гэта шоукейс беларускіх студэнцкіх тэатраў.
Акрамя гэтага вас чакаюць мона-драмы, новыя імёны і шмат эксперыментаў.
