https://bel.sputnik.by/20151008/1017736908.html

Першы выхад у свет нобелеўскага лаўрэята Алексіевіч

Першы выхад у свет нобелеўскага лаўрэята Алексіевіч

Sputnik Беларусь

Святлана Алексіевіч, якая атрымала Нобелеўскую прэмію па літаратуры, лічыць гэта заслугай ўсёй краіны. 08.10.2015, Sputnik Беларусь

2015-10-08T17:32+0300

2015-10-08T17:32+0300

2023-07-27T13:07+0300

у беларусі

навіны

культура

увесь свет

еўропа

мінск

святлана алексіевіч

нобелеўская прэмія

узнагароды і прэміі

літаратура

https://cdnn11.img.sputnik.by/img/101773/54/1017735455_2:0:2998:1685_1920x0_80_0_0_ba3b5801699ccc5ff6268927a409ee7c.jpg

МІНСК, 8 кас — Sputnik. Першыя словы падзякі, вымаўленыя Святланай Алексіевіч на камеры і дыктафоны беларускіх журналістаў, былі звернуты да Алеся Адамовіча і Васіля Быкава.Святлана Алексіевіч прыехала на сваю першую прэс-канферэнцыю ў якасці Нобелеўскага лаўрэата на аўтамабілі шведскай амбасады. Яе сустракалі некалькі дзесяткаў журналістаў, якія больш за дзесяць хвілін атакавалі пісьменніцу пытаннямі і не пускалі ў будынак."Гэта не толькі мне ўзнагарода. Я думаю, і наогул пра культуру, і нашую маленькую краіну, якая і цяпер у нейкіх жорнах. Менш за ўсё, я не буду хаваць, гэта была моцная асабістая радасць і трывога, таму што вялікія цені — Бунін, Пастэрнак — занадта вялікія. Гэта вельмі сур'ёзна", — заявіла пісьменніца на прэс-канферэнцыі.Яна сказала, што ў першую чаргу хацела б падзякаваць сваіх настаўнікаў — Алеся Адамовіча і Васіля Быкава. Прызналася яна таксама і ў тым, што не хоча "апускаць планку".Пісьменніца адказала і на пытанне аб тым чаму яна піша па-руску, а не па-беларуску."Я пішу пра эпоху Саюза, і там размаўлялі ўсе на рускай мове. Наогул, я — чалавек беларускага свету, а таксама рускай культуры. Я лічу сябе чалавекам свету. Мы ўсе — адзін від, людзі", — падкрэсліла Алексіевіч.Па прызнанні Алексіевіч, ёй за некалькі гадзін прыйшло некалькі сотняў лістоў. Яна сказала, што яе ўжо павіншаваў кіраўнік Роскамнагляда РФ, а з боку беларускіх уладаў пакуль яшчэ ніхто.Пісьменніца распавяла аб выпадку, калі па шляху з Берліна да яе падбег малады чалавек і папрасіў аўтограф на пачку цыгарэт. "Я не люблю публічнасць, але ёсць хвіліны, калі ты думаеш: значыць, нешта ты робіш, раз цікавіш, чапляеш чалавека", — прызналася Алексіевіч.Але адзначыла, што не хацела б пазнавальнасці на вуліцы, каб "не быць як Кіркораў". "Але прыемна, калі ўва мне знаходзяць прыемнага суразмоўцу", — дадала Алексіевіч.Алексіевіч не ўдакладніла, калі можна будзе прачытаць яе новыя творы. Пісьменніца адначасова працуе над кнігай пра каханне і над кнігай аб старасці."Ёсць новае пакаленне — тых, хто прагне шчасця, кахання. Пра іх я пішу адну кнігу, нетыповую для рускай культуры. Другая больш тыповая — змрочная, аб старасці і канцы жыцця", — распавяла Алексіевіч.Пісьменніца не ўдакладніла дату выхаду сваіх новых кніг. Паміж мінулымі раманамі быў інтэрвал у некалькі гадоў.

увесь свет

еўропа

мінск

беларусь

2015

Навіны

ru_BY

у беларусі, навіны , культура, увесь свет, еўропа, мінск, святлана алексіевіч, нобелеўская прэмія, узнагароды і прэміі, літаратура, нобелеўская перамога святланы алексіевіч, беларусь, грамадства